Skip to main content

«Промокодтарды аулау маусымы» науқанын өткізу ережелері

Қарағанды қ., 26.02.2026

1. ЕРЕЖЕЛЕР МӘТІНІНДЕ ҚОЛДАНЫЛАТЫН ТЕРМИНДЕРДІҢ АНЫҚТАМАСЫ​

Егер осы Ережелерде өзгесі тікелей көрсетілмесе, оларда қолданылатын бас әріппен жазылған терминдер мен анықтамалар келесі түсіндірмеге ие болады:

1.1. Науқан Ұйымдастырушысы – Қазақстан Республикасының заңнамасына сәйкес тіркелген, Науқанды өткізуді ұйымдастыратын, бұдан әрі «Ұйымдастырушы» деп аталатын «Teez Logistics» жауапкершілігі шектеулі серіктестігі (БСН: 231140010013, заңды мекенжайы: Қазақстан Республикасы, Қарағанды облысы, Қарағанды қаласы, Қазыбек би атындағы аудан, 134 есептік орамы, 938 құрылыс, пошталық индекс 100008) болып табылады.

1.2. Науқан – Маркетплейсте сатылатын тауарларға сатып алушылардың қызығушылығын қалыптастыру және қолдау, олардың сатылуын ынталандыру және нарықта жылжыту мақсатында өткізілетін «Промокодтарды аулау маусымы» жарнамалық ынталандырушы іс-шара, осы Ережелерге сәйкес жүзеге асырылады.

1.3. Ережелер – осы «Промокодтарды аулау маусымы» Науқанын өткізу Ережелері.

1.4. Маркетплейс – Тауарларды сатып алуға арналған «Teez» мобильді қосымшасы (интернет-дүкен), ресми App Store және/немесе Google Play платформалары арқылы мобильді құрылғыларда жүктеп алуға және пайдалануға қолжетімді.

1.5. Науқан Қатысушысы – Қазақстан Республикасының азаматы немесе Қазақстан Республикасының аумағында тұрақты тұруға құқығы бар (тұруға рұқсат) шетелдік азамат, 18 (он сегіз) жасқа толған, Науқан өткізу кезеңінде Қазақстан Республикасының аумағында тұратын, әрекет қабілеттілігінен айырылмаған және шектелмеген.

1.6. Тауар – Маркетплейсте сатылатын өнім. Науқан өткізу кезеңінде Тауардың құны Науқан өткізу мерзімінен тыс белгіленген құнынан аспайды. Науқанға қатысу Қатысушыдан оны өткізуге байланысты қандай да бір қосымша төлем енгізуді талап етпейді.

1.7. Жүлделер – Ережелердің 3-бөлімінде көрсетілген номиналдары бар Промокодтар.

1.8. Жүлдегерлер – Науқанға қатысу нәтижесінде Ережелерде белгіленген тәртіппен Жүлделерге құқық алған тұлғалар. 1.9. Сайт – Ережелердің толық мәтінін қамтитын және өткізілетін Науқанның шарттарын жүзеге асыруға қажетті функционалға ие, Интернет желісіндегі https://docs.teez.kz/customer мекенжайы бойынша Науқанның веб-сайты.

1.10. Қатысуға өтінім – Ережелердің 5-бөліміне сәйкес орындауы тұлғаның Науқанға қатысу ниетін растайтын іс-әрекеттер кешені.

1.11. Науқанның өткізілу уақыты – егер Ережелерде өзгесі көзделмесе, оларда көрсетілген барлық мерзімдер мен кезеңдер Астана қаласының уақыты бойынша (UTC+5) анықталады және тиісті кезеңнің соңғы күнтізбелік күнінің 23 сағат 59 минутына дейін есептеледі.

1.12. Промокод – Науқан Жүлдегерге Ұйымдастырушы ұсынатын және Ережелерде белгіленген мөлшерде және шарттарда Маркетплейсте тапсырыс ресімдеу кезінде жеңілдік алуға құқық беретін бірегей әріптік-сандық комбинация.

1.13. Тапсырыстарды беру пункті — Сатып алушы Маркетплейсте ресімделген Тапсырысты Пайдаланушы келісіміне (https://docs.teez.kz/customer/agreement) сәйкес ала алатын, сондай-ақ Жүлделерді ұтыс ойынына қатысып, оларды бірден алуға мүмкіндігі бар орын. Беру пункттерінің толық тізбесі Маркетплейсте анықталады және көрсетіледі.

2. ЖАЛПЫ ЕРЕЖЕЛЕР​

2.1. Науқан – Маркетплейсте Тауарлардың сатылуын ынталандыруға, сатып алушылардың назарын аударуға және Маркетплейс ассортиментіне қызығушылықты арттыруға бағытталған іс-шара. Науқанға қатысу осы Науқанның шарттарына сәйкес Маркетплейсте кез келген Тауарды сатып алудан өзге қандай да бір ақшалай жарналар енгізуді талап етпейді.

2.2. Науқанның өткізілу аумағы – Қазақстан Республикасы (ҚР).

2.3. Науқан Ұйымдастырушының қаражаты есебінен өткізіледі, пайда немесе өзге табыс алу мақсатын көздемейді және Ережелерге сәйкес өткізіледі.

2.3. Науқан лотерея, құмар ойын емес, сондай-ақ, лотереяның немесе тәуекелге негізделген өзге қызметтің белгілерін қамтымайды және құмар ойындардың қандай да бір нысанында өткізілуі немесе пайдаланылуы мүмкін емес.

3. НАУҚАН ӨТКІЗУ КЕЗЕҢІ ЖӘНЕ НАУҚАННЫҢ ЖҮЛДЕЛЕРІ​

3.1. Науқанның өткізілу уақыты: 22.12.2025 ж. бастап, 28.02.2026 ж. дейін.

3.2. Науқанның Жүлдегерлері келесі Жүлделерді алады:

3.2.1. Маркетплейсте сатып алу кезінде қолданылатын келесі номиналдағы Промокодтар:

  • 10 000 (он мың) теңге – 10 100 (он мың жүз) теңгеден жоғары сатып алу кезінде жарамды;
  • 5 000 (бес мың) теңге – 10 000 (он мың) теңгеден жоғары сатып алу кезінде жарамды;
  • 2 000 (екі мың) теңге – 6 000 (алты мың) теңгеден жоғары сатып алу кезінде жарамды;
  • 1 000 (бір мың) теңге – 3 000 (үш мың) теңгеден жоғары сатып алу кезінде жарамды.

3.2.2. Жүлделердің жалпы саны 37 758 (Отыз жеті мың жеті жүз елу сегіз) промокодты құрайды.

3.3. Науқанның жүлде қоры Науқан Ұйымдастырушысының меншікті қаражаты есебінен қалыптастырылады және тек Жүлдегерлерге Жүлделерді ұсынуға пайдаланылады.

3.4. Жүлделер ішінара берілмейді. Жүлделер құнының ақшалай баламасын төлеу, сондай-ақ, оларды Жүлдегерлердің тілегі бойынша ауыстыруға жол берілмейді.

3.5. Барлық Промокодтардың жарамдылық мерзімі: Жүлдегер алған күннен бастап 31.03.2026 жылды қоса алғанға дейін. Көрсетілген мерзім аяқталғаннан кейін Промокодтар жарамсыз болып саналады және қалпына келтірілмейді.

3.6. Промокодтар жеке сипатқа ие, олар сатылымға, айырбастауға, үшінші тұлғаларға берілмейді.

3.7. Науқанның Жүлделері Қатысушыларға тиісті Тапсырыстарды беру пункті үшін белгіленген саны шегінде және олардың нақты таусылу сәтіне дейін ұсынылады. Нақты Тапсырыстарды беру пункті үшін көзделген Жүлделер толық таусылғаннан кейін, Науқанды өткізудің жалпы мерзіміне қарамастан, осы Тапсырыстарды беру пунктінде Жүлделерді алу бөлігінде Науқанға қатысу тоқтатылады.

4. НАУҚАН ҚАТЫСУШЫЛАРЫ​

4.1. Науқанға Ережелердің 1.5-тармағының талаптарына жауап беретін, Науқанға қатысу үшін Ережелерде көзделген барлық іс-әрекеттерді тиісінше орындаған Қатысушылар қатыса алады.

4.2. Науқанға Науқан Ұйымдастырушысының жұмыскерлері мен өкілетті өкілдері, олардың аффилиирленген тұлғалары, мұндай жұмыскерлер мен өкілдердің отбасы мүшелері, сондай-ақ, Науқанды ұйымдастыруға және/немесе өткізуге тікелей қатысы бар өзге тұлғалардың жұмыскерлері мен өкілдері, сондай-ақ, олардың отбасы мүшелері қатыса алмайды.

4.3. Науқанға қатыса отырып, Ережелерде көзделген іс-әрекеттердің кез келгенін орындаған Қатысушы осы арқылы Науқанның шарттары мен Ережелерімен танысқанын және олармен сөзсіз келісетінін растайды және Ережелермен таныспағаны немесе Науқан шарттарын субъективті талқылауына, дұрыс түсінбеуіне байланысты Ұйымдастырушыға қандай да бір шағымдар қоюға құқығы жоқ.

4.4. Қатысушы Ережелерге сәйкес Науқан туралы ақпаратты Ұйымдастырушыдан талап етуге құқылы.

4.5. Науқанға қатысуды қалайтын Қатысушылар Науқанға қатысуға қажетті барлық іс-әрекеттерді Ережелерде белгіленген мерзімдерде орындауға міндетті.

4.6. Науқанды өткізу мақсатында Ұйымдастырушыға Қатысушылар туралы, соның ішінде Науқан Қатысушыларының жеке деректері қажет. Науқан Ұйымдастырушысы Қатысушыдан алынған ақпаратты Ережелерде және Қазақстан Республикасының заңнамасында көзделген жағдайларды қоспағанда, үшінші тұлғаларға ұсынуға құқығы жоқ. Қатысушылар ерікті түрде ұсынған кез келген ақпарат, оның ішінде дербес деректер, Ұйымдастырушымен, оның өкілетті өкілдерімен және/немесе жарнамалық агенттіктермен тек Науқанды өткізуге байланысты мақсаттарда, оның ішінде жарнамалық мақсаттарда пайдаланылуы мүмкін.

5. НАУҚАНҒА ҚАТЫСУҒА ӨТІНІМ БЕРУ ШАРТТАРЫ МЕН ТӘРТІБІ​

5.1. Науқанға қатысу үшін Қатысушыға оның өткізу кезеңінде келесі іс-әрекеттерді орындауы қажет:

5.1.1. Маркетплейсте авторизациядан өтіп немесе тіркеліп, тегі, аты және телефон нөмірін көрсету (жеке деректер).

5.1.2. Маркетплейсте кез келген сомада тапсырыс беру.

5.1.3. Ресімделген тапсырысты кез келген Тапсырыс беру пунктінен алу (алып кету) және оны қайтармау. Тапсырыстың толық немесе жартылай қайтарылуы жағдайында Қатысушы Науқанға қатысу құқығын жоғалтады.

6. НАУҚАННЫҢ ЖҮЛДЕГЕРЛЕРІН АНЫҚТАУ ТӘРТІБІ​

6.1. Науқан жүлдегерлері ретінде Науқан шарттарын орындаған және осы бөлімге сәйкес Жүлде алған Қатысушылар танылады.

6.2. Тапсырыстың алынғанын Тапсырыс беру пунктінің қызметкері растағаннан кейін, Қатысушыға арнайы орналастырылған ыдыстан (құты/контейнер) бір рет қана Жүлде номиналы көрсетілген карточканы шығару мүмкіндігі беріледі. Алынған карточка Қатысушыға берілетін Промокодтың мөлшерін анықтайды.

6.3. Науқан шарттарына сәйкес ресімделіп және алынған 1 (бір) тапсырыс Науқанға қатысу үшін 1 (бір) мүмкіндікке теңестіріледі. Егер Қатысушы бір уақытта бірнеше тапсырысты бір Тапсырыс беру пунктіне жеткізуді ресімдеп және оларды бір рет келу барысында алса, осы Тапсырыстар сол бір келу шеңберінде беріледі, алайда Қатысушыға тапсырыстар санына қарамастан Жүлде шығарып алу үшін тек бір ғана мүмкіндік беріледі.

7. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ​

7.1. Науқан Ұйымдастырушысының құқығы бар:

7.1.1. қандай да бір себеппен Жүлдені уақытында алмаған Қатысушыға Жүлдені беруден бас тартуға;

7.1.2. өз қалауы бойынша біржақты тәртіппен Науқанға қатысуға барлық өтінімдерді жарамсыз деп тануға, сондай-ақ, қатысуға өтінімдерді беру үдерісін бұрмалайтын немесе одан пайда көретін, немесе Ережелерді бұзатын кез келген тұлғаға Науқанға одан әрі қатысуға тыйым салуға;

7.1.3. тек өзінің қалауы бойынша Науқанды толық немесе ішінара тоқтатуға, өзгертуге немесе уақытша тоқтатуға;

7.1.4. кез келген уақытта Науқанның өткізілу мерзімдері мен шарттарын толықтыруға және/немесе өзгертуге, сондай-ақ өз қалауы бойынша Науқанды толық немесе ішінара тоқтатуға, уақытта тоқтата тұруға, ұзартуға, күшін жоюға құқылы. Өзгерістер туралы ақпарат Сайтта орналастырылады.

7.2. Науқан Қатысушысының келесі құқығы бар:

7.2.1. Науқан Ережелерімен танысуға;

7.2.2. Ережелерде белгіленген тәртіппен Науқанға қатысуға;

7.2.3. Науқанның Жүлдегер мәртебесін алған жағдайда Жүлдені беруді талап етуге;

7.2.4. Ережелердегі өзгерістер туралы ақпаратты Сайттан алуға.

7.3. Науқанның Жүлдегері міндетті:

7.3.1. Жүлдені Ережелерде белгіленген тәртіппен алуға, Жүлдені алудан бас тартуға және/немесе оны пайдаланбауға;

8. БАСҚА ШАРТТАР. ЖАУАПКЕРШІЛІК​

8.1. Ұйымдастырушының Қатысушыларға Жүлделерді табыстау жөніндегі міндеті Ережелерде көрсетілген Жүлделер санымен шектеледі.

8.2. Науқан Жүлдегері кез келген себеппен Жүлдеден бас тартқан жағдайда, Ұйымдастырушы берілген Жүлделердің жалпы санын тиісінше азайту құқығын өзіне қалдырады.

8.3. Ұйымдастырушы Қатысушылардың қате деп танылған әрекеттері/әрекетсіздігінің кез келген салдары үшін, оның ішінде (басқасын қоспағанда) соңғысы көтерген шығындар үшін жауап бермейді.

8.4. Ұйымдастырушы осы Ережелерде, Қазақстан Республикасының қолданыстағы заңнамасында және даулы жағдайлар туындаған кезде, көзделген жағдайларды қоспағанда, Қатысушылармен жазбаша келіссөздерге немесе өзге байланыстарға түспеу құқығын өзіне қалдырады.

8.5. Науқан шарттарында талап етілмеген Жүлделерді сақтау және Жүлделерді алу мерзімдері өткеннен кейін оларды талап ету мүмкіндігі көзделмейді. «Талап етілмеген» деп Қатысушылар арасында бөлінбеген Жүлделерді немесе Қатысушылар кез келген себеппен бас тартқан Жүлделер түсініледі. Барлық талап етілмеген Жүлделерді Ұйымдастырушы өз қалауы бойынша пайдалана алады.

8.6. Науқанға қатысты барлық даулы мәселелер ҚР қолданыстағы заңнамасымен реттеледі. Ережелер Сайтта орналастыру жолымен жариялануға жатады.

8.7. Барлық Қатысушылар Науқанға қатысуға байланысты өздері көтерген кез келген шығындарды (оның ішінде, бірақ олармен шектелмей, интернет желісін пайдалануға, Науқан туралы кез келген ақпарат алуға, Науқанға қатысу үшін Тауарларды сатып алуға байланысты шығындарды және т. б.) дербес төлейді.

8.8. Ұйымдастырушы Қатысушының қате деп танылған әрекеттері/әрекетсіздігінің кез келген салдары үшін, оның ішінде (басқасын қоспағанда) соңғысы көтерген шығындар үшін жауап бермейді.

8.9. Ұйымдастырушы мыналар үшін жауап бермейді:

  • Қатысушылардың Науқанға қатысуға байланысты міндеттерін орындамағаны/мерзімінде орындамағаны үшін;
  • Қатысушылардан хаттардың, қоңыраулардың және/немесе электрондық хабарламалардың алынбағаны үшін, оның ішінде пошта қызметінің, байланыс ұйымдарының кінәсінен, Науқанды өткізу кезінде пайдаланылатын интернет желісіндегі және/немесе байланыс арналарындағы техникалық мәселелердің және/немесе алаяқтықтың салдарынан;
  • Қатысушылардан Жүлделерді алу үшін қажетті құжаттардың және/немесе мәліметтердің алынбағаны/мерзімінде алынбағаны үшін;
  • Қатысушылардан Науқанды өткізу және Жүлделерді беру үшін қажетті толық емес және/немесе дұрыс емес байланыс және/немесе өзге мәліметтердің, дербес деректердің алынғаны үшін;
  • Қатысушының Науқанға қатысуы және/немесе Жүлде алуына байланысты кез келген шығындар және/немесе залалдар үшін;
  • форс-мажор жағдайлары басталған кезде, оның ішінде төтенше жағдай режимін, карантинді және/немесе кез келген өзге шектеу шараларын, оның ішінде кез келген сипаттағы эпидемиялар мен пандемияларға байланысты енгізу кезінде.

8.10. Ұйымдастырушы ұялы телефон нөмірлерінің, электрондық мекенжайлардың тиесілілігі туралы даулар туындаған жағдайда дауларға қатыспайды. Мұндай даулардың барлығы Қатысушылар мен олардың қарсыластары арасында дербес және өз есебінен шешіледі.

8.11. Науқанды өткізудің қорытындылары бойынша шағымдар Науқан аяқталған күннен кейін 5 (бес) күнтізбелік күн ішінде otzyv@teez.kz электрондық мекенжайы бойынша Ұйымдастырушыға қабылданады, көрсетілген мерзім өткеннен кейін шағымдар болмаған жағдайда Ұйымдастырушының Науқанды өткізу және Жүлделерді табыстау жөніндегі барлық міндеттемелері толық көлемде орындалды және Қатысушы тарапынан шағымсыз қабылданды деп есептеледі.

8.12. Ұйымдастырушы Жүлдегерлер ұсынған байланыс ақпаратының дұрыстығы үшін жауап бермейді. Нақты мән-жайларды ескере отырып, Ұйымдастырушының қалауы бойынша Жүлделерді жөнелту мерзімдері аз ғана өзгертілуі мүмкін.

9. ЕРЕЖЕЛЕР МЕН НАУҚАН ШАРТТАРЫНЫҢ ДЕРЕККӨЗДЕРІ​

9.1. Науқан қатысушылары оның шарттары мен мерзімдері туралы Сайтта Науқан өткізудің толық шарттарын жалпыға қолжетімді орналастыру арқылы хабардар етіледі.

9.2. Ережелердің толық мәтіні Сайттың «Науқандарды өткізу шарттары» бөлімінде орналастырылуы тиіс.

10. НАУҚАНДЫ ТОҚТАТА ТҰРУ, ШАРТТАРДЫ ӨЗГЕРТУ ЖӘНЕ МЕРЗІМІНЕН БҰРЫН ТОҚТАТУ​

10.1. Науқан ұйымдастырушысы Науқан өткізу шарттарына өзгерістер енгізуге құқылы.

10.2. Науқан Ережелері өзгертілген, сондай-ақ оны тоқтата тұру немесе күшін жою жағдайында Ұйымдастырушы бұл туралы Қатысушыларды Сайтта тиісті хабарландыру орналастыру арқылы хабардар етеді.

10.3. Науқан өткізуді тоқтата тұру немесе мерзімінен бұрын тоқтату кезінде Науқан ұйымдастырушысы Сайтта жалпыға қолжетімді түрде тиісті хабарламаны жариялауға міндетті.

11. ҰЙЫМДАСТЫРУШЫМЕН БАЙЛАНЫСУ ТӘСІЛІ​

Қатысушылар Науқан Ұйымдастырушысымен келесі тәсілмен байланыса алады: