Skip to main content

10.2. Тақырыптық фотосуреттерге арналған техникалық тапсырма

Teez дегеніміз не бөлімінде фотоконтент құру кезінде біз қолданатын стандарттар туралы егжей-тегжейлі айттық. Басты мақсат — тауарды әсірелемей немесе алуға мәжбүрлемей, сол күйінде көрсету.

Егер сіз тауарларды өзіңіз суретке түсіргіңіз келсе немесе бұл тапсырманы өзге фотостудияға бергіңіз келсе, осы ұсыныстарды қолдануыңызды сұраймыз.

Техникалық сипаттамалары​

  • Фотосурет форматы — PNG, JPEG, JPG, WEBP.
  • Жан-жағының өлшемдері 3 × 4 (ені × биіктігі).
  • Ажыратымдылығы 600 × 800 пиксельден кем емес.
  • Бір файлдың өлшемі 5 МБ-тан аспайды.

Тауарға қойылатын талаптар​

  • Таза (қоқыс, шаң жоқ).
  • Биркаларсыз.
  • Тұтас, ақаулар мен пайдалану іздері жоқ.
  • Мыжылмаған (қажет болған жағдайда, бумен немесе үтікпен үтіктелген).

Фон​

  • Фон бірыңғай, біркелкі жарықтандырылған.
  • Фотосуретте жеңіл, табиғи көлеңке болуы мүмкін.
  • Фон түсі — #efefef (үш түстің әрқайсысы үшін RGB = 93.7%) немесе оған мүмкіндігінше жақын.

Кадрлау​

Дүкенде біркелкі стильді сақтау үшін тауарды торға сәйкес кадрға орналастырыңыз.

Тігінен орналасқан заттар үшін келесідей орын қалдыру қажет:

  • Жоғарыдан — 16% бос орын.
  • Төменнен — 13% бос орын.
  • Бүйірінде (әр шетінен) — 10% бос орын.

Көлденең орналасқан заттар үшін келесідей орын қалдыру қажет:

  • Жоғарыдан — 25% бос орын.
  • Төменнен — 20% бос орын.
  • Бүйірінде (әр шетінен) — 5% бос орын.

Ерекшеліктер:

  • Шағын тауарлар бойынша кескіннің анықтығын жоғалтпау үшін кадрлау шекараларына жеткізбеңіз;
  • Тауардың кішігірім элементтерін (тұтқалар, иықбаулар, сымдар) кадрлау шекарасынан шығаруға болады.

Ракурстар​

Әр тауарда 1-ден 5-ке дейін фотосурет болуы мүмкін. Бірақ тауардың ерекшеліктері мен функционалдығын толық ашу үшін бір тауардың кем дегенде 3 фотосуретін түсіруді ұсынамыз.

Басты фотосурет — бұл тауардың визит картасы, сатып алушы оны іздеу парағында көреді. Сондықтан оны келесі стандарттар бойынша жасау керек:

  • Фотосуретте бір тауар көрсетіледі (егер тауар жиынтық түрінде болса, жиынтықтағы барлық тауарлар көрсетіледі).
  • Тауар жалпақ болса, алдыңғы жағынан тікелей немесе жоғарыдан түсірілуі керек.
  • Тауар толығымен көрінеді, фотосуретте артық бөлшектер жоқ: сымдар, жабдықтар, қолдар.
  • Егер тауарда жарықтандыру шамдары немесе дисплей болса, суретке қосулы күйде түсіріңіз.
  • Күрделі пішіндегі тауарлар үшін көлемді фото жасауға рұқсат етіледі (егер алдынан түсірген кадрда бұл тауардың не екендігі түсініксіз болса).

Қалған кадрлардың ракурстары:

  • Артқы немесе бүйір бетінен түсірген кадр.
  • Тауардың жиынтығымен бірге түсірген кадр, егер ол бар болса (тауар неден тұрады) — кабель, саптамалар, шығын материалдары.
  • Функционалдық қасиеттері мен ерекшеліктерін көрсететін кадр (режимдер, батырмалар, қалталар, текстура, жарқырауы, ішкі бөлігі) — жақыннан үлкейтіп және егжей-тегжейлі түсіруге болады.
  • Егер бар болса, тауардың ұқыпты, таза қаптамада түсірілген кадрі.

Реквизит​

Егер реквизиттер тауардың функционалдығы мен қасиеттерін ашуға көмектессе, біз оны құптаймыз.

Мұндай реквизиттердің мысалдары:

  • Жасанды гүлдерді түсіруге арналған ваза.
  • Киімдер мен амуницияларды түсіруге арналған жануарлар немесе жануарлардың манекендері.
  • Ас үй құралдарына арналған өнімдер.
  • Тыстарға арналған руль.
  • Жазуы бар бокалдарға арналған сұйықтықтар.
  • Зергерлік бұйымдарға арналған демеуіштер.
  • Мөлдір материалды сөмкелерді толтыруға арналған бейтарап реквизиттер (оқылатын брендтерсіз, логотиптерсіз).

Фотосуреттерді өңдеу стандарттары​

  • Фотосуреттегі тауар табиғи көрінеді, өмірдегідей (қараңғы емес, аса қанық түсті емес және т. б.).
  • Ақ түстің біркелкі балансы (көк/сары, жасыл/қызғылт реңктерсіз).
  • Фотосуреттер дұрыс экспонирленген, аса қатты жарықтандырылмаған, контраст пен қара нүкте дұрыс реттелген.
  • Заттан табиғи көлеңке түседі (егер ол бастапқы кадрларда болса).
  • Егер тауарда интимдік сипаттағы суреттер (дене мүшелері немесе оларға ұқсастық) немесе балағат сөздер болса, мұндай аймақтарға 20–35% бұлыңғырлық қолданылды. Нысан бұлыңғыр болуы керек, бірақ, сонымен бірге, түсінетіндей көрініске ие болуы керек.
  • Фотосуреттерге инфографика, мәтін, сутаңбалар, логотиптер, байланыс деректері және жарнамалық ақпарат орналастыруға болмайды.